Натрий цианиді алтын мен күміс өндірісінде, сондай-ақ, металлургияда маңызды зат болып табылады. Натрий цианиді кеннен алтын мен күмісті алудың негізгі әдісі - циандау үрдісінде кеңінен пайдаланылады. Бұл әдiстiң артықшылығы металдарды алудың жоғары тиiмдiлiгiнде, сондай-ақ, үнемдiлiгi мен сенiмдiлiгiнде.
Натрий цианиді металдарды қоспалардан тазарту үшін, мысалы, алтынды басқа металдардан бөлу үшін қолданылады. Сондай-ақ, натрий цианиді зергерлік өнеркәсіп және электроника өндірісінде маңызды металдарды, мысалы, алтын, күміс және мысты гальваникалық жабынға арналған электролиттер құрамына кіреді. Болатты термиялық өңдеу үшін пайдаланылады.
Химиялық өнеркәсібінде натрий цианиді органикалық қосылыстарды, мысалы, фармацевтикада, пластиктер өндірісінде және тоқыма өнеркәсібінде қолданылатын нитрилдерді өндіру үшін шикізат ретінде пайдаланылады.
Натрий цианидін пайдаланудың артықшылықтары - жоғары химиялық белсенділікте және қолданудағы әмбебаптықта. Аммоний сульфаты Қазақстандағы былғары кәсіпорындары мен ауыл шаруашылығы өндірушілерінде сұранысқа ие.
Зауыттың өндірістік қуаты - жылына 15 000 тонна натрий цианиді және 5 000 аммоний сульфаты. Бүгінгі таңда кәсіпорын тұрақты көрсеткіштерге қол жеткізді және ай сайын шамамен 1250 тонна натрий цианидін шығарады. Зауыттың өнімдері өзінің сапалық сипаттамаларының және заманауи стандарттарға сәйкестігінің арқасында жоғары сұранысқа ие.
Натрий цианидін өндіру бойынша зауыт Қазақстанда өнімнің осы түрін өндіретін химиялық өнеркәсібінің жалғыз кәсіпорны болып табылады. Натрий цианиді алтын өндіру өнеркәсібінде және металлургияда пайдаланылады, өндіріс іске қосылғанға дейін ол импорттық тауар болатын.